Samarqandda jala yomg‘iri UTair samolyotining shahar aeroportiga qo‘nishiga to‘sqinlik qildi
eʼlon qilindi
Bunday qaror samolyot ekipaji tomonidan qabul qilingan
Moskva-Samarqand yo‘nalishi bo‘yicha uchayotgan samolyot noqulay ob-havo tufayli Toshkent aeroportiga qo‘ndi, deb xabar bermoqda «Novosti Tashkentskogo Neba» Telegram kanali. Bu ma’lumotni «Kursiv»ga aeroportning ma’lumot xizmati tasdiqladi.
Bunday qaror UTair aviakompaniyasi samolyoti ekipaji tomonidan qabul qilingan. Havo kemasi «Vnukovo» aeroportidan uchayotgan edi.
Uzb_Meteo Telegram kanali avvalroq Samarqand viloyatining Urgut tumani markaziy ko‘chalarida kuzatilgan suv toshqini aks etgan kadrlarni e’lon qilgan edi.
Avvalroq «Kursiv» o‘tgan hafta oxirida Samarqand viloyatida ham sel va suv toshqinlari kuzatilgani haqida xabar bergan edi.
