Xuddi shu nomdagi toʻlov xizmatiga egalik qiluvchi Paynet kompaniyasi ta’sischisini oʻzgartirdi, deb xabar berdi Bankers.uz internet nashri.
24-aprel holatiga ko‘ra, «New Industrial Technologies» Paynet aksiyalarining 100 foiziga egalik qiladi. Biroq Davlat aktivlarini boshqarish agentligi (DABA) egasining o‘zgarishi haqida xabar bermadi.
«New Industrial Technologies» 2019-yil aprel oyida roʻyxatga olingan. Bu kompaniyaning 60 foizi Aleks Liga, qolgan 40 foizi Mustafo Abdurahmonovga tegishli. Eslatib o‘tamiz, Abdurahmonov «Asia Alliance Bank»ning asosiy aksiyadori bo‘lgan «Asia Alliance Group» aksiyalarining 77,6 foiziga egalik qiladi.
DABAning 2022-yilgi hisobotiga ko‘ra, Paynetning sof foydasi yillik o‘sish 18 foizni tashkil etib, salkam 109 mlrd so‘mga yetdi. Shu bilan birga, yil davomida daromadlar 1,8 baravarga qisqarib, 230,5 mlrd so‘mni tashkil etdi.
Eslatib oʻtamiz, agentlik kompaniyani 2022-yil yozida xususiylashtirish haqida e’lon qilgan edi. Bitim bo‘yicha maslahatchilar Abrau Capital va Centil edi.
Avvalroq «Kursiv» Paynetning sho‘ba korxonasi Paynet Crypto kripto depozitariysini yaratish ustida ish olib borayotganini yozgan edi. Uni yaratishga ruxsat o‘tgan yilning noyabr oyi o‘rtalarida olingan.
