O‘zbekiston banklarining kredit portfeli 472,8 trln so‘mga ko‘paydi

Oʻzbekistonda tijorat banklarining kredit portfeli joriy yilning mart oyida 472,8 trillion soʻmga yetdi va bir oyda 1,2 foizga oʻsdi, deb xabar beradi Markaziy bank.

335,3 trln so‘mdan ortiq davlat banklari ulushiga to‘g‘ri keladi. Fevral oyida bu ko‘rsatkich 331,1 trln so‘mni tashkil etdi. Respublika xususiy moliya tashkilotlarining kredit portfeli bir oyda 1,1 foizga o‘sish bilan 142,8 trln so‘mga yetdi.

Qariyb 138,9 trln so‘m sanoat kreditlariga to‘g‘ri keldi – bu berilgan kreditlar umumiy hajmining 29 foizini tashkil etadi. Qishloq xoʻjaligi ulushi 49,8 trln soʻm (10 foiz), qurilishga 12 trln soʻm (3 foiz) ajratildi.

Agar muammoli kreditlar (NPL) hajmi haqida gapiradigan bo‘lsak, aprel oyi boshida ularning hajmi 21 trln so‘mni tashkil qilgan. Oy davomida u 3,8 foizga o‘sdi.

Avvalroq «Kursiv» 25-aprel kuni O‘zbekistonga pul o‘tkazmalari hajmi $2,5 milliardni tashkil etganini yozgan edi.