O‘zbekistonda piyodalar o‘rtasidagi qoidabuzarliklarni qayd qiluvchi kameralar paydo bo‘ladi

Oʻzbekistonda piyodalar oʻrtasidagi qoidabuzarliklarni qayd etuvchi kameralar oʻrnatish rejalashtirilmoqda, bu haqda Vazirlar Mahkamasi qaror chiqardi.

Qurilmalar maktablar yaqinida, to‘rt va undan ortiq polosali avtomobil yo‘llarida piyodalar o‘tish joylari, shuningdek, temir yo‘l kesishmalarida va YTH ko‘p bo‘lgan hududlarda joylashtiriladi.

Qoidalarga ko‘ra, kameralar yo‘ldan kamida olti metr balandlikdagi metall konstruksiyalarga o‘rnatilishi kerak. Bundan tashqari, yaqin atrofda 360 graduslik ko‘rinishga ega kameralar o‘rnatiladi.

Ushbu kameralar o‘rnatilgach, o‘n kun davomida test rejimida ishlaydi.

Avvalroq «Kursiv» 1-iyuldan boshlab bosqichma-bosqich yo‘llar bo‘ylab joylashgan maktab binolari oldiga video va fotoradarlar o‘rnatilishi haqida xabar bergan edi.