“Ipak yo‘li” banki foydani 232,4 mlrd so‘mga ko‘paytirdi
«Ipak yo‘li» bankining moliyaviy hisobotiga ko‘ra, joriy yilning birinchi choragida moliya tashkilotining sof foydasi 232,4 mlrd so‘mni tashkil etdi.
Taqqoslash uchun, 2023-yilning yanvar-mart oylarida bank 197,8 mlrd so‘m daromad olgan edi.
Yil davomida foiz daromadlari 61 foizga oshib, 905 mlrd soʻmni, foizsiz daromadlari esa 35 foizga oshib, 448,5 mlrd soʻmni tashkil qildi.
Eslatib o‘tamiz, joriy yilning dastlabki uch oyidagi yirik banklar faoliyati reytingida «Ipak yo‘li» 17 ta bank orasida beshinchi o‘rinni egallagan edi. O‘tgan davrga nisbatan moliya instituti o‘z mavqeini bir pog‘onaga yaxshilagan.
«Ipak yo‘li» banki 1990-yil 23-aprelda tashkil etilgan. Moliya muassasasi valyuta birjasini yaratish tashabbuskorlaridan biri hisoblanadi. 2021-yilda Xalqaro moliya korporatsiyasi «Ipak yo‘li»ni Markaziy Osiyodagi eng yaxshi emitent bank deb tan oldi.
Avvalroq «Kursiv» YeTTB yoshlar biznesini qo‘llab-quvvatlash uchun Ipak yo‘liga $10 mln jo‘natishini yozgan edi.
