Tojikistonning 600 dan ortiq fuqarolari Rossiyadan deportatsiya qilindi

Soʻnggi toʻrt kun ichida Rossiyaning Vnukovo aeroportidan 643 nafar Tojikiston fuqarosi deportatsiya qilindi. Bu haqda «Interfaks» nashri xabar bermoqda.

«26-apreldan 30-aprelgacha Vnukovo aeroportiga yetib kelgan 3101 nafar Tojikiston fuqarosidan 643 nafar Tojikiston fuqarosi Rossiya hukumati tomonidan tegishli shartlarsiz deportatsiya qilindi», deb xabar berdi agentlik mamlakat TIVga tayanib.

Tojikistonning yana 117 nafar fuqarosiga nisbatan deportatsiya toʻgʻrisidagi qaror qabul qilingan.

Shuningdek, hozirgi kunda bu fuqarolar «Vnukovo» aeroportidagi vaqtinchalik saqlash zonalarida gʻayriinsoniy sharoitlarda saqlanayotganligi aytildi. Shu bilan birga, Moskvaning boshqa aeroportlarida ham vaziyat ogʻirligicha qolmoqda.

Avvalroq «Kursiv» Tojikiston prezidenti Crocus City Hallʼda sodir etilgan teraktni sharmandali va dahshatli deb atagani haqida xabar bergan edi.