Xitoyning oʻnlab kompaniyalari yil oxirigacha yangi modeldagi elektromobillar ishlab chiqarishni rejalashtirmoqda. Gap 71 ta model haqida ketmoqda, deya xabar bermoqda «The New York Times».
Jurnalistlarning fikricha, yangi elektromobil modellari foydalanuvchilarga yanada kuchli akkumulyatorlar va xavfsizroq tormoz tizimi, qulay oʻrindiqlarni taqdim etadi. Ushbu oʻzgarishlar ham Xitoyda ham xorijda avtomobillarning mashhurligini oshirishga qaratilgan.
Bundan tashqari, xitoylik elektromobil ishlab chiqaruvchilari avtomobillarni faol ravishda rivojlantirmoqda. Shu hafta Xitoy hukumati bunday loyihalarda ma’lumotlar xavfsizligini ta’minlash choralarini tasdiqladi.
Bu katta rejalar xorijdagi raqobatchilarni xavotirga solmoqda. Nashr muxbirlari bilan suhbatlashgan maslahatchi Bill Russoning soʻzlariga koʻra, Xitoy ishlab chiqaruvchilari rejalariga tahdid solayotgan yagona xorijiy korporatsiya bu Amerikaning «Tesla» kompaniyasidir.
«Agar bu kompaniya qachondir tugatilsa, u holda Qoʻshma Shtatlardagi butun elektr avtomobil bozori ham oʻladi», dedi Russo.
Avvalroq «Kursiv» Xitoyning elektromobillar ishlab chiqaruvchi BYD kompaniyasining 2024-yilning birinchi choragidagi sof foydasi 4,57 milliard yuanni ($630,7 million) tashkil etgani haqida xabar bergan edi.
