YeTTB “Asakabank”ni xususiylashtirishda yordam beradi

Toshkent xalqaro investitsiya forumi doirasida Yevropa tiklanish va taraqqiyot banki (YTTB) bilan «Asakabank»ni xususiylashtirish to‘g‘risida bitim imzolandi, deya ta’kidladi O‘zbekiston prezidenti Shavkat Mirziyoyev.

«Asakabank» 1995 yilda tashkil topgan. Moliyaviy muassasa xizmatlaridan 2,2 milliondan ortiq xususiy va 600 mingga yaqin korporativ mijozlar foydalanadi.

Tashkilotlarining yagona davlat reestri ma’lumotlariga ko‘ra, joriy yilning 2 may holatida, bankning ustav kapitalidagi ulushning 87,8 foizi O‘zbekiston Tiklanish va taraqqiyot jamg‘armasiga, 10 foizi Iqtisodiyot va moliya vazirligiga, 2,2 foizi boshqa aksiyadorlarga tegishli.

Joriy yilning birinchi choragi yakunlari bo‘yicha «Asakabank»ning sof foydasi 65,6 milliard so‘mni tashkil etdi. Aprel oyi boshida ustav kapitali 5,8 trillion so‘mga yetdi.

Eslatib o‘tamiz, avvalroq «Fitch Ratings» direktorining moliya institutlari bo‘yicha o‘rinbosari Pavel Kaptel O‘zbekistonda davlat banklarini xususiylashtirish ortga surilishi mumkinligini aytgan edi.