O‘zbekiston Jibuti bilan diplomatik munosabatlar o‘rnatdi
eʼlon qilindi
Hujjatni Ulug‘bek Lapasov va Mohamed Dualeh imzoladi
![](https://cdn-uz.kursiv.media/wp-content/uploads/2024/05/photo_2024-05-03_11-30-26-1024x662.jpg)
O‘zbekiston va Jibuti o‘rtasida diplomatik munosabatlar o‘rnatildi, deb xabar bermoqda «Dunyo» axborot agentligi.
Tegishli hujjatni O‘zbekistonning BMTdagi doimiy vakili Ulug‘bek Lapasov va uning jibutilik hamkasbi Mohamed Dualeh imzoladi.
Jibuti – Sharqiy Afrikada joylashgan davlat. Mamlakat aholisi qariyb 976 ming kishini tashkil qiladi. 2018 yilda Jibuti yalpi ichki mahsuloti aholi jon boshiga 2 ming dollardan sal ko‘proqni tashkil qildi.
Avvalroq «Kursiv» 2024-yil yanvarida O‘zbekiston Uganda bilan diplomatik munosabatlar o‘rnatgani haqida yozgan edi.