![](https://cdn-uz.kursiv.media/wp-content/uploads/2024/05/image.webp)
2023-yilda O‘zbekistonga 400 mingga yaqin rossiyalik sayyohlar tashrif buyurdi. Bu to‘rt yil oldingi natijadan o‘n barobardan ko‘proq, dedi Rossiya Federatsiyasi iqtisodiy rivojlanish vaziri o‘rinbosari Dmitriy Volvach.
Bu haqda rasmiy Toshkent xalqaro investitsiya forumi doirasidagi «Turizm va madaniy meros: Markaziy Osiyo mintaqasining xorijiy investorlar uchun jozibadorligi» panel sessiyasida ma’lum qilindi. Volvachning so‘zlarini Rossiya Federatsiyasi Iqtisodiy rivojlanish vazirligi iqtibos qilib keltirgan.
To‘rt yil avval bu ko‘rsatkich 37 mingni tashkil etgan bo‘lsa, 2023-yilda O‘zbekistonga 403 ming rossiyalik tashrif buyurgan. Umumiy sayyohlik oqimida bu raqam qariyb 33 foizni tashkil qiladi.
O‘zbekistonlik sayyohlarning Rossiyaga tashrifiga kelsa, o‘tgan yili Rossiyaga 800 mingdan ortiq kishi tashrif buyurgan. Bu 2022-yilga nisbatan ikki barobar ko‘pdir.
Sessiyada mamlakatlar fuqarolarining oʻzaro manfaatdorligi tufayli Oʻzbekistondan Rossiyaga parvozlar sonini oshirish rejalashtirilgani haqida ham ma’lumot tinglandi.
Avvalroq «Kursiv» O‘zbekiston rossiyaliklar uchun may bayramlarida eng mashhur xorijiy sayyohlik yo‘nalishiga aylangani haqida yozgan edi.