O‘z mamlakatida oziq-ovqat sanoati yetakchilaridan biri bo‘lgan Ozarbayjon xoldingi «Azersun» O‘zbekiston bozoriga kirishni rejalashtirmoqda. Bu haqda Ozarbayjon iqtisodiyot vaziri Mikail Jabborov Toshkent investitsiya forumida aytib o‘tdi.
Vazirning ta’kidlashicha, «Azersun» kompaniyasi bilan muzokaralar allaqachon olib borilgan va ular Oʻzbekiston bozoriga kirib kelishni rejalashtirmoqda.
Uning soʻzlariga koʻra, Oʻzbekiston va Ozarbayjon OʻzRda bir qancha sarmoyaviy loyihalarni koʻrib chiqishmoqda. Tomonlar qo‘shma investitsiya fondi doirasida allaqachon muvaffaqiyatli hamkorlik qilishmoqda.
«Azersun Holding» Ozarbayjondagi yetakchi oziq-ovqat sanoati korxonalarini birlashtiradi. Korxonada oziq-ovqat, qishloq xo‘jaligi mahsulotlari va qadoqlash ishlab chiqaruvchi 30 dan ortiq zavodlar bor. «Azersun» mahsulotlari dunyoning to‘rtdan ortiq mamlakatlariga eksport qilinib, Ozarbayjonning ichki bozorida salmoqli ulushni egallaydi.
Avvalroq «Kursiv» O‘zbekiston va Ozarbayjon jamg‘armasi nomini o‘zgartirgani haqida yozgan edi.
