Haftaning muhim yangiliklari: O‘zbekistondagi o‘rtacha ish haqi, Toshkent xalqaro investitsiya forumi va Osiyo kubogi yakunlari
Qaysi xizmat ko‘rsatuvchi kompaniyalar byudjetga eng ko‘p pul olib keldi
Joriy yilning birinchi choragi yakuniga ko‘ra, «O‘zbektelekom» AK xizmat ko‘rsatish sohasida eng yirik soliq to‘lovchi bo‘lib, g‘aznaga 361,6 mlrd so‘m mablag‘ o‘tkazdi.
Oʻzbekiston savdo biznesi 5,9 trillion soʻm soliq toʻladi
2024-yilning birinchi choragida Oʻzbekistonda savdo kompaniyalari 5,9 trillion soʻm soliq toʻladi, deb xabar qildi Soliq qoʻmitasi.
O‘zbekistonda o‘rtacha ish haqi qariyb 5 million so‘mga yetdi
Joriy yilning yanvar-mart oylarida O‘zbekistonda o‘rtacha oylik ish haqi yillik o‘sish 19,8 foizni tashkil qilib, 4,9 mln so‘mni tashkil etdi, deb xabar berdi Respublika statistika agentligi.
Biznes uchun xorijiy valyutadagi kreditlar foizi yana qimmatlashdi
Oʻzbekistonda mart oyi yakunlariga koʻra, biznes uchun beriladigan uzoq muddatli xorijiy kreditlar stavkasi 10,2 foizga yetdi. Qisqa muddatli kreditlar esa fevral oyidagi oʻsishdan soʻng 0,1 foizga pasayib, 9,7 ga tushdi. Bu haqda Markaziy bank matbuot xizmati ma’lum qildi.
«Oʻzmetkombinat» daromadi 72 foizga kamaydi
Joriy yilning yanvar-mart oylari yakunlariga koʻra, «Oʻzmetkombinat» aksiyadorlik jamiyatining daromadi 60,5 milliard soʻmni tashkil etdi, bu 2023-yilning mos davriga nisbatdan 71,9 foizga kamaydi. Bu haqda KAP DEPO investitsiya kompaniyasi xabar bermoqda.
O‘zbekiston fond bozori: foyda o‘sishi e’lon qilingandan keyin qimmatli qog‘ozlar ko‘tarildi
O‘zbekiston fond bozoridagi ba’zi kompaniyalar aktsiyalari narxining ko‘tarilishi investorlarni xursand qilgan bo‘lsa, boshqalari esa arzonlashdi. UCI indeksi atigi 0,32 foizga o‘sdi, biroq alohida aktsiyalar sezilarli o‘sishni ko‘rsatdi, ba’zilari hatto 10 foizga yaqin. «Toshkent» Respublika fond birjasida hafta qanday o‘tganini «Kursiv» maqolasida o‘qing.
Pensiyaga chiqishda oʻrtacha oylik ish haqini hisoblashning umumiy tartibi qanday
Pensiyani hisoblash uchun daromadlar ishdagi tanaffuslardan qat’i nazar, oxirgi oʻn yil davomida ishlagan besh yil uchun hisoblanadi. Bu haqda Pensiya jamgʻarmasi ma’lum qildi.
Mirziyoyev futbol boʻyicha yoshlar terma jamoasini tarixiy gʻalaba bilan tabrikladi
Futbol bo‘yicha O‘zbekiston U-23 terma jamoasi Qatarda bo‘lib o‘tayotgan Osiyo kubogi finaliga qadar yetib borib, tarixiy muvaffaqiyatga erishdi. Bu g‘alaba nafaqat Parijda bo‘lib o‘tadigan yozgi Olimpiya o‘yinlariga yo‘l ochadi, balki o‘zbek futboli tarixidagi birinchi g‘alaba bo‘ladi.
Birinchi chorakda BYD kompaniyasining sof foydasi 11 foizga oshdi
Xitoyning elektromobil ishlab chiqaruvchi BYD kompaniyasining 2024-yil birinchi choragidagi sof foydasi 4,57 milliard yuanni ($630,7 million) tashkil qildi. Bu oʻtgan yilning shu davriga nisbatan 11 foizga koʻp. Bu haqda «Finmarket» agentligi xabar bermoqda.
Avtomobil rangini oʻzgartirish javobgarlikka tortishga asos boʻlmaydi
Oʻzbekistonda avtomobil kapot, kuzov yoki boshqa qismlarining rangi oʻzgartirilishi jarima qoʻllashga asos boʻlmaydi. Adliya vazirligi mazkur masala yuzasidan tushuntirish berdi.
Qashshoqlik chegarasi: O‘zbekistonda minimal iste’mol xarajatlari oshdi
2024-yil 1-maydan boshlab O‘zbekistonda minimal iste’mol xarajatlari (MIX) miqdori oshiriladi. Endi har bir kishiga oyiga 648 ming so‘mdan to‘g‘ri keladi. Bu 2024-yil yanvar oyiga nisbatan 27 ming so‘mga ko‘pdir. Bu haqda Statistika agentligi xabar berdi.
«Ipoteka-bank» sof foydaning pasayishi sababini tushuntirdi
«Ipoteka-bank»i joriy yilning birinchi choragida sof foydaning kamayishi sababini tushuntirdi. Bu haqda moliya muassasasi bayonotida aytiladi.
Toshkentdan Chorvoqqa avtobus qatnovi yoʻlga qoʻyildi
Toshkent viloyatiga keluvchi xorijiy va mahalliy sayyohlarga qoʻshimcha qulayliklar yaratish maqsadida Toshkentdan «Chorvoq» erkin turistik zonasiga grafik asosida qatnovchi mavsumiy avtobuslar harakati yoʻlga qoʻyildi. Bu haqda Transport vazirligi axborot xizmati xabar bermoqda.
Yangi qoidalar: ko‘chmas mulk va avtomobillar bilan operatsiyalarni naqd pulsiz shaklga o‘tkazish taklif qilinmoqda
Hukumat yashirin iqtisodiyotga qarshi kurashish bo‘yicha yangi chora-tadbirlar ishlab chiqdi. Hujjat hali kuchga kirgani yo‘q va jamoatchilik muhokamasi uchun e’lon qilinmagan, biroq tasdiqlashni kutmoqda, deb xabar berdi Davletovuz.
O‘zbekiston YUNESKOga madaniy yodgorliklarni saqlash va tiklashda yordam beradi
Oliy Majlis Qonunchilik palatasi yalpi majlisi deputatlari O‘zbekistonning Madaniyat yodgorliklarini saqlash va ta’mirlash bo‘yicha xalqaro ilmiy-tadqiqot markaziga (ICCROM) a’zoligi to‘g‘risidagi qonunni uchinchi o‘qishda qabul qildi.
O‘zbekistonda kvartira uchun minimal to‘lov miqdori tasdiqlandi
Oʻzbekistonda koʻp kvartirali uylarda umumiy mol-mulkni saqlash, undan foydalanish va uni ta’mirlash hamda koʻp kvartirali uyga tutash yer uchastkasini obodonlashtirish uchun majburiy badallar yoki toʻlovlarning eng kam miqdorlari belgilandi. Bu haqda Qurilish va uy-joy kommunal xoʻjaligi vaziri Botir Zokirovning 15-apreldagi buyrugʻida ma’lum qilindi.
«Ipoteka-bank» yevropalik investorlardan 1,4 trillion so‘m oldi
2024-yilning 25-aprel kuni «Ipoteka-bank» xalqaro Vena fond birjasiga 1,4 trillion so‘mlik uch yillik yevroobligatsiyalarni joylashtirdi. Obligatsiyalar bo‘yicha kupon stavkasi yillik 20,5% ni tashkil etdi. Joylashtirish tashkilotchisi JP Morgan edi.
Naqd puldagi toʻlovlar uchun keshbek berish bekor qilinishi mumkin
Oʻzbekistonda 1-iyuldan boshlab naqd puldagi toʻlovlar uchun keshbek qaytarilishi bekor qilinishi mumkin. Bu haqda «Yashirin iqtisodiyotga qarshi kurashish boʻyicha kompleks chora-tadbirlarni amalga oshirish toʻgʻrisida»gi prezident qarori loyihasida koʻzda tutilgan.
Qaysi banklar so‘mda eng daromadli omonatlarni taklif qilmoqda
«Kursiv» respublikadagi qaysi banklar aholiga yuqori foiz stavkalari bilan omonat taklif qilishini aniqladi. Bunda milliy valyutadagi depozitlar hisobga olindi.
O‘zbekiston xokkey bo‘yicha Osiyo-Okeaniya chempioni
30-aprel kuni, «Humo Arena»da Osiyo-Okeaniya kubogining final bahsida Oʻzbekiston – Tailand bilan kuch sinashdi, «Kursiv» final oʻyinini kuzatdi.
3-boʻlimda Abduqayum Abduvositov milliy jamoani oldinga olib chiqdi, hisob — 2:1. Soʻnggi daqiqalarda Tailand jamoasi darvozamiz oldida hujumlar qildi. Biroq Oʻzbekiston himoyada yaxshi oʻyin koʻrsatdi va ikkinchi marotaba Osiyo-Okeaniya chempioni boʻldi.
O‘zbekistonda davlat bog‘chalari uchun to‘lovlar yiliga ikki marta oshiriladi
Oʻzbekiston hukumati davlat bogʻchalari uchun yangi toʻlovlar toʻgʻrisida qaror qabul qildi, deb xabar qildi mamlakat Adliya vazirligi.
Toshkentdagi koʻchalardan biri bir oydan ortiq muddatga yopildi
Poytaxtning Yashnobod tumanidagi «Katta Olmos» koʻchasidan «Ilgʻor» koʻchasiga olib oʻtuvchi yoʻlda Oqova suv tizimini yaxshilash borasida ta’mirlash ishlari olib borilayotganligi sababli bir oyga yopildi. Bu haqda tuman hokimligi matbuot xizmati xabar bermoqda.
«Internews» tadqiqoti: O‘zbekistonda ijtimoiy tarmoqlar tobora ommalashib bormoqda
«Internews» tashkiloti tadqiqotiga ko‘ra, televidenie O‘zbekistonda asosiy axborot manbalaridan biri bo‘lib qolmoqda, biroq ijtimoiy tarmoqlar ommalashib bormoqda.
«Oʻzbektelekom» birinchi chorakda 104 milliard soʻm daromad qildi
«Oʻzbektelekom» AK joriy yilning yanvar-mart oylaridagi sof foydasi 104 milliard soʻmni tashkil qildi. Bu korporativ axborot portali ma’lumotlariga koʻra, oʻtgan yilga nisbatan 32,3 foizga koʻpdir.
Toshkent viloyatining ikki qishlog‘i «turistik» maqomiga sazovor bo‘ldi
Toshkent viloyatining Parkent tumanidagi Kumushkon va Chashma qishloqlari «turistik qishloq» maqomini oldi. Bu haqda «Kursiv»ga Turizm qo‘mitasi matbuot xizmati xabar berdi.
Oʻzbekistondagi eng koʻp xodim ishlaydigan korxonalar ro‘yxati e’lon qilindi
Joriy yilning 29 aprel holatiga koʻra, Oʻzbekistondagi eng yirik ish beruvchi Navoiy kon-metallurgiya kombinati (NKMK) boʻldi, deb xabar bermoqda Kambagʻallikni qisqartirish va bandlik vazirligi matbuot xizmati.
«Hamkorbank» obligatsiyalari savdoga qo‘yildi
«Hamkorbank»ning korporativ diskont obligatsiyalari HMBK1 birja tikeri bilan savdoga qo‘yildi, deb xabar berdi «Toshkent» respublika fond birjasi.
Tojikistonning 600 dan ortiq fuqarolari Rossiyadan deportatsiya qilindi
Soʻnggi toʻrt kun ichida Rossiyaning «Vnukovo» aeroportidan 643 nafar Tojikiston fuqarosi deportatsiya qilindi. Bu haqda «Interfaks» nashri xabar bermoqda.
Mirziyoyev Turkiya vitse-prezidentini qabul qildi
1-may kuni prezident Shavkat Mirziyoyev uchinchi Toshkent xalqaro investitsiya forumida ishtirok etish uchun Oʻzbekistonga kelgan Turkiya vitse-prezidenti Javdat Yilmaz boshchiligidagi delegatsiyani qabul qildi. Bu haqda prezident matbuot xizmati xabar berdi.
Bozor xaridorlarga muhtoj: nega birjada savdo hajmi 10 barobar kamaydi
O‘zbekiston fond bozori 2024-yilning to‘rt oyi yakunlari bo‘yicha pasaydi. UCI indeksi 5,6 foizga tushdi. Aksiyalari sarmoyadorlarning noroziligiga sabab bo‘lgan kompaniyalar orasida «O‘zbektelekom», «O‘zmetkombinat» va «Qo‘qon mexanika zavodi» bor. Biroq kotirovkalarning pasayishini faqat emitentlarning o‘zlari bilan bog‘liq omillar bilan izohlab bo‘lmaydi. «Kursiv» bozordagi pasayish sabablari va kelajak istiqbollari haqida ekspertlar bilan suhbatlashdi.
O‘zbekistonda pullik yo‘llar qurilishida yana ikki kompaniya ishtirok etadi
O‘zbekiston transport vaziri o‘rinbosari Jasurbek Choriyev hamda «Sojitz» va «Ronesans» kompaniyalari vakillari ishtirokida bo‘lib o‘tgan yig‘ilishda davlat-xususiy sheriklik loyihalari muhokama qilindi.
Sun’iy intellektning qoʻllanilishi «Apple» aksiyalarining tushishiga olib keldi
«Apple» qimmatli qogʻozlari 2024-yil boshidan beri investorlarning kompaniya sun’iy intellekt (SI) vositalarini sekin joriy qilayotgani haqidagi xavotirlari ortib borayotgani sababli 10 foizdan koʻproqqa tushdi. Bu haqda «Reuters» xabar bermoqda.
Oʻzbekistonda pensiya va nafaqaning eng kam miqdorlari oshirildi
Oʻzbekistonda 1-maydan boshlab eng kam pensiya miqdori oshirildi. Bu haqda prezident Shavkat Mirziyoyevning 30-apreldagi tegishli Farmonida ko‘zda tutilgan.
Oʻzbekistonda xorijiy investorlar aksiyalardan dividendlar boʻyicha olinadigan soliqdan ozod etiladi
Oʻzbekistonda xorijiy investorlar uch yil muddatga aksiyalardan olinadigan dividendlar boʻyicha soliqlardan ozod qilinadi. Bu haqda prezident Shavkat Mirziyoyev uchinchi Toshkent xalqaro investitsiya forumidagi chiqishida ma’lum qildi.
Prezident Mirziyoyev $11,5 milliardlik loyihalarni ishga tushirdi
2-may kuni Toshkent xalqaro investitsiya forumiga start berildi, deb xabar beradi «Kursiv».
Ochilish marosimida Shavkat Mirziyoyev har bir forum ishtirokchisiga minnatdorlik bildirdi. Prezidentning aytishicha, bu forum respublikaga yaxshi natijalar olib keladi. Xatolar ustidan ishlashga tayyorligi va xorijiy investorlarga reformalarni qabul qilganligi uchun minnatdorchilik bildirdi.
Soʻnggi yillarda Oʻzbekistonga $60 milliarddan ortiq xorijiy investitsiya kiritildi
Soʻnggi yillarda Oʻzbekistonda $60 milliarddan ortiq xorijiy investitsiyalar oʻzlashtirildi. Bu haqda Shavkat Mirziyoyev uchinchi Toshkent xalqaro investitsiya forumida soʻzlagan nutqida ma’lum qildi.
O‘zbekistonda Xalqaro tijorat sudi ochiladi
Raqamli texnologiyalar markazida Xalqaro tijorat sudi tashkil etiladi, dedi O‘zbekiston prezidenti Shavkat Mirziyoyev.
YeTTB rahbari Oʻzbekistonda kelgusi islohotlar boʻyicha qanday maslahatlar berdi
III Toshkent xalqaro investitsiya forumida Yevropa tiklanish va taraqqiyot banki (YeTTB) prezidenti Odil Reno-Basso Oʻzbekistonga kelgusida qanday islohotlar kerakligi haqida gapirdi.
Oʻzbekistonda «Kia K5» narxlari oshirildi
«Kia» kompaniyasi Oʻzbekistondagi eng ommabop modellaridan biri boʻlgan Kia K5 narxlarini oshirdi. Buni kompaniya saytdagi narxlarning yangilanganidan koʻrish mumkin.
Markaziy Osiyoning YaIM iqtisodiy salohiyati $600 milliarddan oshadi
Islom taraqqiyot banki guruhiga a’zo boʻlgan xalqaro Islom savdo Moliya korporatsiyasi (ISMK) tashabbusi bilan mintaqada iqtisodiy hamkorlikning innovatsion tashabbusi boʻlgan Trade Connect Central Asia+ (TCCA+) dasturining rasmiy ishga tushirilishi haqida «Kursiv» xabar bermoqda.
O‘zbekiston prezidentining maxsus vakili: «Biz imkon qadar tezroq JSTga a’zo bo‘lishni maqsad qilganmiz»
Jahon savdo tashkiloti kotibiyati O‘zbekistonning Jahon savdo tashkilotiga a’zo bo‘lishi bo‘yicha ishchi guruhlarning navbatdagi yig‘ilishini e’lon qildi. U joriy yilning 24 may kuni Jenevada bo‘lib o‘tadi. Bu haqda O‘zbekiston prezidentining JST masalalari bo‘yicha maxsus vakili Azizbek O‘runov III Toshkent investitsiya forumi doirasida jurnalistlarga ma’lum qildi.
O‘zbekiston elektron tijorat bozorining aylanmasi 2027-yilga borib $1 milliardga yetishi mumkin
O‘zbekistonda 50 dan ortiq marketpleyslar ro‘yxatdan o‘tgan. Kelgusi ikki yarim yil ichida ularning aylanmasi uch baravardan oshishi kutilmoqda, – dedi Istiqbolli loyihalar milliy agentligi (ILMA) direktori o‘rinbosari Davron Maksudov.
Rossiyaliklar O‘zbekistonga o‘n barobar ko‘proq sayohat qila boshladilar
2023-yilda O‘zbekistonga 400 mingga yaqin rossiyalik sayyohlar tashrif buyurdi. Bu to‘rt yil oldingi natijadan o‘n barobardan ko‘proq, dedi Rossiya Federatsiyasi iqtisodiy rivojlanish vaziri o‘rinbosari Dmitriy Volvach.
Bozordagi vaziyat: bug‘doy narxi pasayishda davom etmoqda
Qulay ob-havo prognozi va g‘alla yig‘im-terimidan xavotirlar yo‘qligi sababli global bug‘doy narxi pasayishda davom etmoqda. Kun davomida fyucherslar narxi 1,82 foizga pasaydi. Juma kuni ertalab Toshkent vaqti bilan bir bushel bug‘doy narxi $5,8 arzonroq, deb xabar berdi «Trading economics».
O‘zbekiston so‘z erkinligi reytingida ancha pasayib ketdi
2024-yilda O‘zbekiston «Chegara bilmas muxbirlar» tashkilotining matbuot erkinligi reytingida 148-o‘rinni egalladi. Hammasi bo‘lib ro‘yxatga 180 ta davlat kiritilgan.
«Yandex» O‘zR maktab o‘quvchilari va o‘qituvchilari uchun bepul IT-dasturni ishga tushiradi
«Yandex» O‘zR maktab o‘quvchilari va informatika o‘qituvchilari uchun IT-dasturni ishga tushiradi, deb xabar bermoqda Rossiyaning O‘zbekistondagi savdo vakolatxonasi.
«Asakabank»ning foydasi 65,6 mlrd so‘m
«Asakabank» 2024-yilning birinchi choragini 65,6 mlrd so‘m sof foyda bilan yakunladi. Bu haqda korporativ axborot portalida aytiladi.
«O‘zmetkombinat» yaqin orada aksiyalarni ommaviy joylashtirish to‘g‘risida qaror qabul qiladi
«O‘zmetkombinat» yaqin orada aksiyalarni ommaviy joylashtirish (FPO) to‘g‘risida qaror qabul qilishi kerak. Bu haqda kompaniyaning moliyaviy direktori Tatyana Budey «Kursiv»ga ma’lum qildi.
Istiqbolli loyihalar milliy agentligi «Binance» xalqaro kriptobirjasini sudga berdi
Istiqbolli loyihalar milliy agentligi (ILMA) Oʻzbekiston Respublikasida oʻrnatilgan tartibda tegishli oʻrganishlar oʻtkazib, «Binance» kriptobirjasi qonunchilikka zid ravishda litsenziya olmasdan fuqarolariga xizmat koʻrsatib ketayotganligini aniqladi. 3-may kuni Toshkent shahri Iqtisodiy sudida navbatdagi sud majlisi boʻlib oʻtdi. Sudga «Kursiv» muxbiri ham keldi. Unda «Binance» vakili majlisni keyinga qoldirishni so‘radi. Navbatdagi majlis 17-mayga qoldirildi.
O‘zbekiston Yaponiyaga imkoniyatni boy berdi
3-may kuni Qatarda boʻlib oʻtayotgan Osiyo kubogi finalida Oʻzbekiston Yaponiyaga qarshi maydonga tushdi.
Yaponiya U-23 jamoasi «Osiyo kubogi – 2024» g‘olibi. Hamyurtlarimiz kumush medali sovrindorlari bo‘lishdi.
