«Surxon» futzal jamoasi Oliy ligaga yo‘l olmoqda

Farg‘ona shahrida futzal bo‘yicha O‘zbekiston birinchi ligasining so‘nggi o‘yin kuni yakunlanib, unda mamlakatning barcha hududidan 10 ta jamoa birinchi liga kubogi, shuningdek, O‘zbekiston Oliy ligasiga chiqish imkoniyati uchun kurash olib borishdi.

«Surxon» jamoasi dastlab oliy divizionga chiqishni maqsad qilgan va «Eriell Group» ko‘magi evaziga o‘z tarkibini tajribali futzalchilar bilan mustahkamladi. Bosh murabbiy Shuhrat Tojiboyev boshchiligidagi «Surxon» turnir peshqadami bo‘lib yakunladi.

So‘nggi turda «Qizilqum» jamoasi ustidan 4:2 hisobida g‘alaba qozondi. Birinchi liga o‘yinlarida «Surxon» to‘qqizta o‘yin o‘tkazib, sakkizta g‘alaba va bir marotaba durang o‘ynadi. «Surxon» birorta ham mag‘lubiyat alamini totib ko‘rmay, turnir g‘olibiga aylandi.

Avvalroq «Kursiv» futbol bo‘yicha O‘zbekiston olimpiya terma jamoasining Parij Olimpiya o‘yinlaridagi raqiblari ma’lum bo‘lganini e’lon qilgan edi.