O‘zbekistondagi Madad Invest Bank rebrending qiladi va Mybank nomini oladi. Aksiyadorlar yig‘ilishining qarori Korporativ axborot yagona portalida e’lon qilindi.
E’lon qilingan hujjatda bank «faoliyatini amalga oshirishda (xizmatlarni koʻrsatishda) firma nomi oʻrniga tovar belgisidan (xizmat koʻrsatish belgisidan) foydalanishga ruxsat berishi» qayd etilgan.
Madad Invest Bankning yangi tovar belgisini ro‘yxatdan o‘tkazish vazifasi uning rahbariyatiga yuklangan.
Hozirgi kunda moliya instituti O‘zRda kichik bank hisoblanadi. 2024-yil 1-mart holatiga ko‘ra u aktivlari bo‘yicha 32-o‘rinni egalladi. Kredit portfeli 286 milliard so‘mga teng bo‘ldi.
Avvalroq «Kursiv» aksiyadorlarning mazkur yig‘ilishida boshqaruvning yangi raisi Ulug‘bek Tavakkalov saylangani haqida yozgan edi. Moliyaviy institut 2024–2027 yillarga mo‘ljallangan rivojlanish strategiyasini ham qabul qildi.
