Humo toʻlov tizimining sof foydasi 2024-yilning yanvar – mart oylarida 37,4 milliard soʻmni tashkil etdi, bu 2023-yilning shu davriga nisbatan 87,6 foizga koʻpdir. Bu haqda KAP DEPO investitsiya kompaniyasi xabar bermoqda.
Yil davomida umumiy daromadlar 56 foizga oshib, 63,2 milliard soʻmni tashkil qildi. Yalpi foyda esa 81,4 foizga oshib, 46,1 milliard soʻmga yetdi.
Eslatib oʻtamiz, joriy yilning aprel oyi oʻrtalarida Oʻzbekiston prezidenti Shavkat Mirziyoyev Humoni xususiylashtirish toʻgʻrisidagi qarorni imzolagan edi. Kompaniyaning 100 foiz davlat ulushi sotuvga chiqariladi.
Korxonalar va tashkilotlarning yagona davlat reyestri ma’lumotlariga koʻra, 11-may holatida aksiyalarning 100 foizi Davlat aktivlarini boshqarish agentligiga tegishli.
Avvalroq «Kursiv» 2024-yilning yanvar – mart oylarida Payme ilovasi orqali toʻlovlar hajmi $0,9 milliardga yetgani haqida xabar bergan edi.
