O‘zbekistonda avtokreditlash ikki yildagi eng past darajaga tushdi
O‘zbekiston banklari 2024-yilning mart oyida 1,25 trln so‘mlik avtokreditlar berdi, bu ikki yil ichida minimal ko‘rsatkichdir, deyiladi Markaziy bank statistik byulletenida.
Ko‘rsatkichning rejalashtirilgan pasayishi MBning bankning umumiy kredit portfelida avtokreditlar 25 foizdan ko‘p bo‘lmasligi kerakligi haqidagi qaroridan keyin kuzatilmoqda. Bu yil yangi talab qo‘shildi – iyul oyidan boshlab moliya institutlari pul berganlarning kredit yukini hisobga olishlari kerak.
2023-yil dekabr oyida avtokreditlar 1,8 trln so‘mga yetdi, joriy yilda esa pasayish tendensiyasi davom etdi. Yanvar oyida bu ko‘rsatkich 1,7 trln so‘mni, fevralda 1,28 trln so‘mni tashkil etdi.
2024-yilning yanvar-mart oylari yakunlariga ko‘ra, O‘zbekiston banklari tomonidan aholiga jami 20 trln so‘mlik kreditlar ajratildi, bu o‘tgan yilning shu davriga nisbatan 4,7 foizga ko‘pdir. Shundan 8,1 trln so‘mi mikroqarzlar, 4,5 trln so‘m iste’mol kreditlari, 4,2 trln so‘m avtokreditlar hissasiga to‘g‘ri keldi.
Eslatib o‘tamiz, joriy yilning aprel oyi boshida respublika banklari o‘rtasida muammoli kreditlar (NPL) hajmi 21,6 trln so‘mni tashkil qilgan. Shundan 16,9 trln so‘m davlat ulushiga ega banklar, 4,6 trln so‘m esa boshqa banklar hissasiga to‘g‘ri keladi.
Avvalroq «Kursiv» Oʻzbekistonda yakka tartibdagi tadbirkorlar quyon va parrandani koʻpaytirish uchun kredit olishi mumkinligini yozgan edi.
