O‘zbekiston energetika haftaligi qanday o‘tmoqda – fotoreportaj

Toshkentda O‘zbekiston energetika haftaligi boshlandi va 16-mayga qadar davom etadi. Mazkur tadbir doirasida «O‘zbekiston neft va gazi – OGU 2024» ko‘rgazma-konferensiyasi va boshqa tadbirlar bo‘lib o‘tmoqda.

Ushbu tadbirda Avstriya, Ozarbayjon, Belarus, Belgiya, Buyuk Britaniya va boshqa mamlakatlardan 450 dan ortiq kompaniya va brendlar, 50 dan ortiq ma’ruzachilar va 1 ming delegatlar ishtirok etmoqda.

Rossiyaning «Tagilskaya stal’» korxonasi vakillari «Kursiv» muxbiri bilan suhbatda kompaniya O‘zbekistonga har yili 10 ming tonnaga yaqin quvur yetkazib berishini ma’lum qildi.

Rossiyaning «Kaskad» ilmiy-ishlab chiqarish birlashmasi mamlakatimiz bozorida o‘z ishtirokini kengaytirish rejalari haqida xabar berdi.

Avvalroq «Kursiv» Vengriya O‘zbekiston yadroviy mutaxassislarni tayyorlay boshlagani haqida yozgan edi.