Toshkentda ikkilamchi bozorda avtomobillar qancha turadi
Ikkilamchi bozor avtomobilni arzonroq narxda sotib olish imkoniyatini beradi va rasmiy yetkazib beruvchilarga qaraganda ko‘proq modellarni taklif qiladi. Albatta, bu yerda avtomobil tarixini bilish ancha qiyin, ammo deyarli yangi mashinalar ham sotuvga chiqariladi. «Kursiv» muxbiri Sergeli avtomobil bozorida bo‘lib, foydalanilgan avtomobillar narxlarini o‘rgandi.
Oldi-sotdi kompaniyalarga tegishli avtomobillar bozorda alohida o‘rin olgan. Ular sizga kerak bo‘lgan mashinani hatto ularda hali mavjud bo‘lmaganlarini ham qimmatroq narxda yoki kreditga topishlari mumkin. Bu haqda «Kursiv» muxbiriga ana shu tashkilotlardan birining vakili ma’lum qildi. Shu bilan birga, siz bozordan chiqmasdan avtomobilni ro‘yxatdan o‘tkazishingiz mumkin.
Shaxsiy avtomobillar haqida gapiradigan bo‘lsak, 2019-yilgi Nexia R3’ning so‘nggi versiyasi 9,2 ming dollarga sotilmoqda (yurgan masofasi ko‘rsatilmagan).
130 ming km yurgan qora rangli 2020 Gentra 12,5 ming dollarga sotilmoqda.
2016-yilda ishlab chiqarilgan xuddi shunday Gentraning narxi 9 ming dollarni tashkil etadi, Avtomobilning yurgan masofasi – 100 ming km.
Bozorda, sotib olish bilan birga, ijaraga beriladigan avtomobillar ham mavjud. Nexia R3 (ishlab chiqarilgan yili – 2018-yil, yurgan masofasi – 140 ming km) egasi o‘z mashinasini 4 ming dollarga sotib olishni taklif qilmoqda, biroq xaridor 26 oy muddatga har oy 240 dollar to‘lashi kerak bo‘ladi. Dastlabki to‘lov 3 ming dollar bo‘lsa, oylik to‘lov miqdori 290 dollargacha, 2,5 ming dollar to‘langanda esa 345 dollargacha oshiriladi.
2022-yilda chiqarilgan Kobalt ham xuddi shunday sxema bo‘yicha sotiladi. Boshlang‘ich to‘lov miqdori 3,4 ming dollar, besh yil uchun oylik to‘lovi 4,5 million so‘mni tashkil etadi. Avtomobilning yurgan masofasi 29 ming km.
2011-yilda chiqarilgan Epicaning egasi avtomobil uchun 7,5 ming dollar so‘ramoqda.
Mahalliy avtomobillardan tashqari bozorda xorijiy avtomobillarning katta tanlovi ham mavjud. NIVA Urban 4×4 2020 13,5 ming dollarga, LADA X-Ray (2018 yil, yurgan masofasi – 58 ming) 8,2 ming dollarga sotilmoqda.
2003-yilda chiqarilgan Mercedes-Benz C-Class avtomobili uchun boshlang‘ich to‘lov miqdori 5 ming dollarni tashkil etadi, shuningdek, xaridor 26 oy davomida 310 dollar to‘lashi kerak bo‘ladi.
Mahalliy avtomobillarning arzonroq modellari orasida eng keng tarqalgani Nexia 2 va Nexia 1. 2016-yilda ishlab chiqarilgan Nexia 2 avtomobilning (yurgan masofasi 46 ming km) narxi – 7,2 ming dollar.
Nexia 1 (ishlab chiqarilgan yili – 2002) 5,2 ming dollarga sotuvga qo‘yilgan.
Damas (2024 yil chiqarilgan) 8,4 ming dollarga sotuvga qo‘yilgan.
Captiva yoki Malibu kabi qimmatroq mashinalar, jumladan, xorijiy avtomobillar asosan kompaniyalarga tegishli. Sotuvchilar Captiva yoki Malibuning aniq narxini oshkor qilishdan bosh tortdilar, va bu dastlabki to‘lov miqdoriga bog‘liq deya ta’kidladilar. Umuman olganda, Malibu 2 ni 28 ming dollardan 35 ming dollargacha topish mumkin.
Tracker 2 uchun dastlabki to‘lov 1,8 ming dollarni tashkil etdi, uch yil davomida oylik to‘lov 530 dollarni tashkil etdi.
Afsonaviy «Jiguli» va boshqa sovet avtomobillari ham bozorda o‘z o‘rnini topgan. Lada (1991-yil) 1,8 ming dollarga, VAZ 21063 (1988-yil) – 2,5 ming dollarga sotilmoqda.
Avvalroq «Kursiv» 2024-yil martida O‘zbekistonda avtomobil krediti bozori so‘nggi ikki yildagi eng past darajaga tushganini yozgan edi. Buning sabablari haqida mutaxassislar gapirdi.
