O‘zbekistonda jismoniy shaxslardan olinadigan daromad solig‘ini hisoblashning (JShODS) differenslangan shkalasiga o‘tish rejalashtirilmagan. Bu ma’lumotni «Kursiv»ga Soliq qoʻmitasi tasdiqladi.
Hozirda respublikada yagona daromad solig‘i stavkasi 12 foizni tashkil etadi. Ilgari soliq daromad miqdoriga qarab o’zgarib turardi.
Eslatib oʻtamiz, «Rossiya – Islom olami: KazanForum – 2024» sammitida Soliq qoʻmitasining strategik rejalashtirish boshqarmasi boshligʻi Timur Ismoilov Oʻzbekiston hozirgi toʻgʻridan-toʻgʻri shkaladan voz kechib, soliqqa tortishning progressiv shkalasiga qaytishi mumkinligini aytgan edi. Ammo bunday ssenariy faqat «tizim to‘liq shakllanganida» bo‘lishi mumkin.
