Bozordagi vaziyat: kumush narxi 2013-yildan beri eng yuqori darajaga yetdi
eʼlon qilindi
Oltin ham qimmatlashmoqda
Bir unsiya kumush narxi $30 oshdi. Bu 2013-yil yanvaridan beri eng yuqori ko‘rsatkichdir, deya xabar beradi «Trading economics» portali.
2023-yilning shu davri bilan solishtirganda, kumush unsiyasi hozirda 25 foizga qimmatroq. Bunga qimmatbaho metallga bo‘lgan barqaror talab yordam berdi.
Dushanba kuni ertalab oltin narxi unsiya uchun $2,4 mingni tashkil etadi. Ushbu qimmatbaho metallning narxi ham oshib bormoqda.
Tesla (1,84 foiz) va Exxon Mobil (1,34 foiz) aksiyalari qiymati oshib bormoqda, Nvidia (2,22 foiz) esa pasaymoqda.
Avvalroq «Kursiv» O‘zbekistonda besh gramm og‘irlikdagi oltin quyma 5,1 mln so‘mga baholangani haqida yozgan edi.
