Farg‘onaliklardan miltiq, qilich va bolta musodara qilindi

Farg‘ona viloyati huquq-tartibot idoralari xodimlari tomonidan mahalliy aholidan ikkita ov va to‘qqizta pnevmatik qurol olib qo‘yildi, deb xabar berdi viloyat IIB matbuot xizmati.

Bundan tashqari, 24 dona patron, shuningdek, bolta, qilich va pichoqlar kabi 65 dona sovuq qurol musodara qilingan.

Eslatib oʻtamiz, 2023-yilda Oʻzbekistonda 384 ta qasddan odam oʻldirish va hayotga suiqasd qilish jinoyati sodir etilgan. Shundan 12 ta jinoyat 13 yoshdan 17 yoshgacha bo‘lgan o‘smirlar tomonidan sodir etilgan.

Avvalroq «Kursiv» Salim Abduvaliev noqonuniy qurol saqlagani uchun olti yilga qamalgani haqida yozgan edi.