Bozordagi vaziyat: Eron prezidentining o‘limi neft bozoriga ta’sir qildi

Brent nefti fyucherslari Eron prezidenti Ibrohim Raisi vafot etgani haqidagi xabarlar ortidan bir barrel uchun $83 tushib ketdi, deb xabar bermoqda «Trading economics» portali.

WTI neftining narxi ham pasaydi: barrel uchun taxminan $79.

Neft narxining tushishiga investorlarning Yaqin Sharqdagi so‘nggi voqealarga bahosi sabab bo‘ldi. Ular orasida Raisi o‘limi va Saudiya Arabistonining 88 yoshli qiroli Salmon bin Abdulaziz Ol Saudning sog‘lig‘ining yomonlashuvi bor.

Portal tahlilchilarining ta’kidlashicha, hozirgacha treyderlar neft ta’minoti barqarorligidan xavotir olishgani yoq, chunki bu sohada muammolar kuzatilmayapti.

Shu bilan birga, bozorlar OPEK davlatlarining bo‘lajak yig‘ilishini intiqlik bilan kutmoqda, unda ular xom ashyo ishlab chiqarishni qisqartirish rejimini uzaytirish haqida e’lon qilishlari mumkin. Global ta’minot uchun xavflar, shuningdek, Ukrainani Rossiyaning neft infratuzilmasiga va husiylarning Qizil dengizdagi tankerlarga hujumlari bilan bog‘liq.

Qimmatbaho metallar bozorida ham narxlarning pasayishi kuzatilmoqda. Oltin bir unsiyasi narxi $2410, kumush $31,3 pasaydi. Bunga Amerika Qo‘shma Shtatlari Federal zaxira tizimi vakillarining minbardagi chiqishlari sabab bo‘ldi. Ularning aksariyati mamlakatda inflyatsiya statistikasi e’lon qilinishi fonida ehtiyotkor moliyaviy siyosatni davom ettirish tarafdori bo‘lishdi.

Shu bilan birga, kumush va oltinni o‘z ichiga olgan «xavfsiz aktivlar» ga talab yuqoriligicha qolmoqda. Avvalgi kunlarda qimmatbaho metallar narxi rekord darajaga yetgan edi.

Qimmatli qog‘ozlar bozorida JPMorgan qimmatli qog‘ozlari eng sezilarli darajada pasaydi (-4,5%). Caterpillar (+1,9%) va Microsoft (+1,17%) kompaniyalari aksiyalari qiymati ortib bormoqda.

«Kursiv» 20-may kuni bozorlardagi vaziyat haqida yozgan edi.