Hukumat tomonidan tavsiya etiladigan minimal narxlar meva-sabzavot eksportiga putur yetkazmoqda

Oʻzbekistonda meva-sabzavot eksporti bilan shugʻullanadiganlar muammolarga duch kelmoqda. Bu haqda EastFruit tahlilchilari ma‘lum qildi.

Qayd etilishicha, bunga Vazirlar Mahkamasi tomonidan Meva-sabzavot mahsulotlariga «tavsiya etiladigan» minimal eksport narxlari belgilanishi sabab boʻlmoqda.

Endilikda eksportyorlar mahsulotlarni hujjatda belgilanganidan past narxlarda eksport qila olmaydi.

Mutaxassislarning fikriga koʻra, narxlari koʻrsatilgan tovarlar roʻyxati sifat, nav va boshqa muhim parametrlarni hisobga olmagan holda shakllantiriladi, shuning uchun ishlab chiqaruvchilar va kichik eksportchilar sotish imkoniyatlarini qisqartirdi.

«Bu oʻz navbatida oʻsib borayotgan mahsulotlarga sarmoya kiritishga qiziqishni darhol pasaytiradi va mamlakatni yirik tizimli importyorlar uchun kamroq jozibador hamkorga aylantiradi. Bunday qoʻlda tartibga solish bilan uzoq muddatli hamkorlik shartnomalarini tuzish juda xavfli boʻlib qoladi», deyiladi xabarda.

Bundan tashqari, bunday chora soliq tushumlarini oshirish va valyuta nazoratini yaxshilashda samarasizdir. Yirik kompaniyalar uchun zamonaviy moliyaviy vositalardan foydalangan holda minimal narxlarni chetlab oʻtish qiyin emas, lekin buning natijasida soliq bazasi kamayishi mumkin.

Avvalroq «Kursiv» Ukraina oʻzbek piyozini import qila boshlagani haqida xabar bergan edi.