So‘nggi 24 soat ichida yog‘och narxi 2,48 foizga o‘sdi va har bir kubometr uchun taxminan $537 yetdi, deb xabar beradi «Trading Еconomy» portali. Yil davomida ushbu mahsulot 7,67 foizga qimmatlashgan.
Tahlilchilar yog‘och bozorida qarama-qarshi tendensiyalarni qayd etdilar. Bir tomondan, Amerika Qo‘shma Shtatlarida (AQSh) ipoteka stavkalari 7 foizdan oshadi. Bu ko‘plab potensial uy xaridorlari uchun juda yuqori daraja. Buning natijasida mamlakatda ko‘chmas mulkni foydalanishga topshirish hajmi kutilganidan ancha sekin o‘sib bormoqda.
Boshqa tomondan, Kanadaning Britaniya Kolumbiyasi provinsiyasida iqtisodiy jihatdan yog‘och yetishmasligi sababli arra tegirmonlari to‘xtatildi. Shuning uchun investorlar taklifning qisqarishidan qo‘rqishadi.
Shuningdek, chorshanba kuni ertalabdan boshlab neft, gaz, benzin va qimmatbaho metallar narxi pasaymoqda.
Fond bozorida JPMorgan (+2,17 foiz), Goldman Sachs (+1,74 foiz) va Microsoft (+1,05 foiz) qimmatli qog‘ozlari qiymatining o‘sishi kuzatilmoqda. Tesla (-1,03 foiz) va Intel (-0,97 foiz) aksiyalari arzonlashmoqda.
«Kursiv» 21-may kuni bozorlardagi vaziyat haqida yozgan.
