![](https://cdn-uz.kursiv.media/wp-content/uploads/2024/05/image-202.png)
Oʻzbekiston va Ozarbayjon kompaniyalari – «Oʻzbekneftgaz» va SOCAR yaqin oylarda Shoh dengiz gaz konini oʻzlashtirish loyihasida ishtirok etish boʻyicha shartnoma imzolashni rejalashtirmoqda, deb xabar qildi «Interfaks» OʻzR investitsiyalar, sanoat va savdo vaziri Laziz Qudratovga tayanib.
«Hozir biz SOCAR bilan uning Oʻzbekistonda neft va gaz qazib olish loyihalarida ishtiroki haqida gaplashmoqdamiz. Xuddi shunday, O‘zbekneftgazning Ozarbayjondagi gaz ishlab chiqarish korxonalariga kirishi masalasi ham muhokama qilinmoqda va yakuniy bosqichda», deya tushuntirdi u. Bu haqda Qudratov Ozarbayjonga tashrifi chog‘ida jurnalistlarga ma’lum qildi.
Vazir yaqin orada tomonlar tegishli kelishuv imzolashiga umid bildirdi. Qudratovning soʻzlariga koʻra, Oʻzbekiston rasmiylari loyiha istiqboliga optimistik qarashmoqda.
Shoh dengiz Ozarbayjondagi eng yirik gaz koni hisoblanadi. Uni rivojlantirish bo‘yicha shartnoma 1996-yilda imzolangan. Unga Britaniyaning BP plc, Rossiyaning Lukoyl, Turkiyaning TPAO, Eronning NICO va Ozarbayjonning Cenub Qaz Dehlizi kiradi.
Ozarbayjon kondan gazni Italiya, Gretsiya, Gruziya, Turkiya, Bolgariya, Serbiya, Vengriya va Ruminiyaga yetkazib beradi.
Eslatib o‘tamiz, Ozarbayjon oziq-ovqat giganti Azersun O‘zbekistonga yo‘l olmoqda.