Kia O‘zbekistonda avtomobil ishlab chiqarishni 40 foizga oshirdi

Joriy yilning yanvar-aprel oylarida Oʻzbekistonda 6,1 ming dona Kia avtomobillari ishlab chiqarildi. Bu 2023-yilning mos davriga nisbatdan deyarli 40 foizga koʻpdir. Bu haqda Statistika agentligi axborot xizmati xabar bermoqda.

Kia hali ham ishlab chiqarilgan avtomobillarning umumiy hajmining kichik qismini egallaydi. To‘rt oy davomida respublikada jami 114,6 ming dona yengil avtomobil ishlab chiqarildi. Ya’ni Kia bozorning atigi 5 foizini egallaydi. Ammo kelajakda bu ko‘rsatkich oshishi mumkin.

Bugungi kunda Jizzaxdagi ADM Jizzakh zavodida Haval, Chery va Kia avtomobillari yigʻilmoqda. Kompaniya bosh direktori Doniyor Davletyarovning soʻzlarga koʻra, ADM Jizzakh Oʻzbekiston avtomobil bozorining 25 foizini egallashni maqsad qilgan.

Ma’lumot uchun, 2023-yilda zavodda umumiy hisobda 15 mingdan ortiq dona Kia avtomobillari ishlab chiqarilgan.

Avvalroq «Kursiv» birinchi iyundan Kia Sonet avtomobilining narxlari oshirilishi haqida xabar bergan edi.