Oltin narxi pasaydi

27-may kuni, Markaziy bank ma’lumotlariga ko‘ra, besh grammlik oltin quymaning narxi 4,93 mln so‘mni tashkil etdi.

20-may kuni esa shunday og‘irlikdagi oltinning narxi 5,1 mln so‘mni tashkil etgan edi. Bu oltinning bir hafta ichida 4,4% ga tushganini ko‘rsatadi.

Boshqa og‘irlikdagi qimmatbaho metallning narxi ham tushdi. O‘n grammlik oltin quymalari narxi 9,86 mln so‘m, 20 va 50 grammlik quymalar mos ravishda 19,72 mln va 49,31 mln so‘mni tashkil qildi.

LBMA grafigi bo‘yicha, bir troy unsiya narxi 21-may kuni $2,42 mingga ko‘tarilib, keyin hafta davomida pasayish tendensiyasini ko‘rsatdi. 24-may holatiga ko‘ra, bir troy unsiya narxi $2,32 mingni tashkil qildi. Oltin uch kun ichida 3,5 foizga pasaydi.

Avvalroq «Kursiv» Oʻzbekiston oltin eksportini oshirishda davom ettirishini e’lon qilgan edi. 2024-yilning yanvar-aprel oylari yakunlariga koʻra, OʻzR $3,4 milliardlik oltin eksport qilgan edi.