O‘zbekistonda 14 ming nafar o‘qituvchi malaka imtihonidan o‘ta olmadi

O‘zbekistonda 14 032 nafar o‘qituvchi mutaxassis toifasini olish uchun kerakli ball to‘play olmagan. Bu haqda Milliy malaka imtihonlari natijalari ma’lum qilindi, deb xabar beradi Maktabgacha va maktab ta’limi vazirligi.

Imtihonlar 15-apreldan 20-mayga qadar o‘tkazildi. Test sinovlarida jami 189 929 nafar o‘qituvchilar ishtirok etib, 41 ta fan va yo‘nalishlar bo‘yicha test sinovlaridan o‘tishdi.

Eng yuqori ball Buxoro (o‘rtacha 62,53 ball), Xorazm (60,5 ball) viloyatlari va Toshkent (60,15 ball) o‘qituvchilari orasida.

Attestatsiya natijalariga ko‘ra 8913 nafar professor-o‘qituvchilar (4,7foiz) oliy toifa, 25261 nafar (13,3 foiz) birinchi toifani 46662 nafar (24,6 foiz) ikkinchi va 11036 nafar (5,8 foiz) mutaxassis toifasiga ega bo‘ldi. Qolgan 14032 nafar (7,4 foiz) o‘qituvchilar mutaxassislik toifasi uchun yetarli ball to‘play olmadilar.

Avvalroq «Kursiv» O‘zbekistondagi deyarli barcha maktablarda rus tilini o‘qitish sifatini oshirish istagida ekanini xabar qilgan edi.