Pensiya jamgʻarmasi tomonidan qanday xizmatlar onlayn yo‘lga qo‘yilgan

Pensiya jamgʻarmasi tomonidan Yagona interaktiv davlat xizmatlari portalida (my.gov.uz) toʻrtta onlayn xizmat yoʻlga qoʻyilgan. Bu haqda jamgʻarma axborot xizmati xabar berdi.

Ular quyidagilarni tashkil qiladi:

Pensiya tayinlash uchun ariza berish;

Pensiya oluvchilar roʻyxatida mavjudligi haqida ma’lumotnoma olish;

Pensiya jamgʻarmasi hududiy boshqarmalari manzil ma’lumotlari;

Pensiya va nafaqa berishni toʻxtatib turishga ariza berish;

Ma’lumot uchun, ushbu xizmatlardan fuqarolar my.gov.uz portalidan roʻyxatdan oʻtgandan keyin foydalanishlari mumkin.

Avvalroq «Kursiv» pensiya tayinlashda bir qancha jarayonlar soddalashtirilgani haqida xabar bergan edi.