Tolibon O‘zbekistonda savdo ko‘rgazmasini o‘tkazishni rejalashtirgan

Afg‘oniston iyun oyida O‘zbekistonda savdo ko‘rgazmasini o‘tkazishni rejalashtirmoqda, deb xabar berdi TOLONews portali Afg‘oniston sanoat va savdo vaziri Noruddin Aziziyga tayanib.

 «Aniq sana hozircha ma’lum emas. Ehtimol, bir oy ichida. Bizning sa’y-harakatlarimiz afg‘on mahsulotlarini quruqlik yo‘llari orqali tashishga qaratilgan», dedi Aziziy.

Uning so‘zlariga ko‘ra, tadbirda Afg‘onistondan 250 ga yaqin tadbirkorlar ishtirok etadi. Bunday ko‘rgazmalar Qozog‘iston va Rossiyada ham o‘tkazilishi rejalashtirilgan.

Eslatib oʻtamiz, Oʻzbekiston va Afgʻoniston oʻrtasidagi tovar ayirboshlash hajmi 2024-yilning may oyi boshida 308,6 millionni tashkil etgan boʻlsa, eksport $301,4 millionni tashkil qilgan, qolgan qismi import hissasiga toʻgʻri kelgan.

Avvalroq «Kursiv» O‘zbekiston investorlari Afg‘oniston neft va gaz konlariga qiziqish bildirayotgani haqida yozgan edi.