"Biz bilmaganmiz". Qozog‘iston O‘zbekistondagi kichik atom elektr stansiyasi loyihasiga izoh berdi

Qozog‘iston Energetika vazirligi rahbari Almasadam Satkaliev Ostona O‘zbekistonda kichik atom elektr stansiyasini qurish loyihasidan xabari yo‘qligini ma’lum qildi, deb yozadi Informburo.kz.

«Biz bu loyiha haqida bilmas edik; u kecha e’lon qilindi», dedi u.

Satkalievning qoʻshimcha qilishicha, yaqin orada uning vazirligi oʻzbekistonlik hamkasblari bilan bogʻlanib, loyiha va uning hududiy energetika tizimi faoliyatiga ta’siri haqida qoʻshimcha ma’lumot olish niyatida.

O‘zbekiston va Rossiya o‘rtasida 27-may kuni Rossiya prezidenti Vladimir Putinning O‘zRga tashrifi chog‘ida AES qurish bo‘yicha shartnoma imzolangan edi.

Joriy yilning yozida mamlakatimizda 330 MVt quvvatga ega atom elektr stansiyasi qurilishi boshlanishi kutilmoqda. Qurilish uchun Jizzax viloyatidan joy tanlandi.

Loyihani amalga oshirish uchun Rossiyaning «Rosatom» davlat korporatsiyasi mas’ul boʻladi, shuningdek, loyihaga oʻzbekistonlik pudratchilarni jalb etish rejalashtirilgan.

Avvalroq «Kursiv» O‘zbekistonda uran qazib olish hajmi oshishiga nima to‘sqinlik qilayotgani haqida e’lon qilgan edi.