![](https://cdn-uz.kursiv.media/wp-content/uploads/2023/08/depositphotos_254063976_l-1024x682.jpg)
«Uzbekistan Airways» iyun oyi o‘rtalaridan Samarqand va Irkutsk o‘rtasida parvozlarni yo‘lga qo‘yadi, deb xabar bermoqda kompaniya matbuot xizmati.
Birinchi reys 16-iyunga belgilangan. Ekonom-klassda chipta narxi 1,6 mln so‘mdan, biznes-klassda esa 6,6 mln so‘mdan boshlanadi. Parvoz davomiyligi 4,3 soatni tashkil qiladi.
Airbus 320 layneri yo‘lovchilarni tashish uchun ishlatiladi, shaharlar o‘rtasidagi reyslar haftada bir marta – yakshanba kunlari amalga oshiriladi.
Avvalroq «Kursiv» iyun oyi oxiridan boshlab «Uzbekistan Airways» Qarshi va Sankt-Peterburg o‘rtasida parvozlarni boshlashini yozgan edi. Chipta narxi 2 mln so‘mdan, ikki tarafga 3,2 mln so‘mdan.