O‘zbekistonda Davlat sport akademiyasi ochiladi. U yetakchi oliy sport-taʼlim tashkilotlari negizida tashkil etiladi, bu haqda O‘zR prezidenti Shavkat Mirziyoyev farmonidan kelib chiqadi.
2025/2026 o‘quv yilidan boshlab Jismoniy tarbiya va sport ilmiy tadqiqot instituti hamda Jismoniy tarbiya va sport bo‘yicha mutaxassislarini qayta tayyorlash instituti hamda uning filiallariga o‘tkaziladi.
Akademiyada sport tibbiyoti davlat ilmiy-amaliy markazi ham ochilib, u yerda sportchilarni tibbiy nuqtai nazardan musobaqalarga tayyorlaydi.
Akademiyada O‘zbekiston tarixi va xorijiy tillarini o‘qitish markazi tashkil etiladi. Shuningdek, uning tarkibiga axborot-kutubxona markazi ham kiradi.
Talabalar birinchi navbatda Olimpiya va Paralimpiya kollejlari, maktablar va umumiy oʻrta, oʻrta maxsus va professional taʼlim muassasalarining bitiruvchilari orasidan tanlab olinadi. Ularning so‘ngi bir yilda Jahon, Osiyo va O‘zbekiston chempionatlarida erishgan yutuqlari asosiy saralash mezoni bo‘ladi.
Olimpiya va Paralimpiya kollejlari talabalari darhol akademiyaning ikkinchi kursiga kirishlari mumkin.
Akademiya bitiruvchilariga O‘zbekistonda oliy ma’lumot to‘g‘risidagi hujjat sifatida tan olingan davlat diplomlari beriladi. Bundan tashqari, o‘qishni tamomlagandan so‘ng talabalar 6 yil muddatga murabbiylik qilish uchun malaka sertifikatiga ega bo‘ladilar.
Avvalroq «Kursiv» o‘zbekistonlik gimnastikachi Oksana Chusovitina jarohati sabab Parij Olimpiadasida ishtirok eta olmasligini e’lon qilgan edi.
