Toshkentda 30-31-may kunlari «Xavfsiz Harakat» loyihasi doirasida birinchi marta piyoda yurish bo‘lib o‘tadi. Elchi, triatlonchi Shavkat Musinov piyodalar uchun xavfsiz muhitga e’tibor qaratish maqsadida shahar bo‘ylab 100 km yo‘l bosib o‘tadi.
Marshrut shaharning barcha hududlarini qamrab oladi, sportchi «Skandinaviya (Shimoliy) yurish» uslubida yengib o‘tadi.
Sayr davomida Shavkat Musinov Toshkent shahar IIBB Yo‘l harakati xavfsizligi inspeksiyasi va «Xavfsiz Harakat» guruhi xodimlari bilan birgalikda fuqarolarga g‘amxo‘rlik ko‘rsatib, muammoli joylarni belgilab beradi.
Tashrif natijalariga ko‘ra, Toshkent shahar hokimligi va Toshkent shahar IIBB YHXB bilan hamkorlikda shahar atrof-muhitini yaxshilash bo‘yicha yo‘l xaritasi ishlab chiqiladi.
Marshrutni Telegram kanalda kuzatib borish mumkin bo‘ladi.
Eslatib o‘tamiz, 18 – 19-may kunlari Samarqandda triatlon va paratriatlon bo‘yicha Jahon kubogi musobaqalari bo‘lib o‘tgan edi.
