Oʻzbekistonda kambagʻallikni qisqartirish bo‘yicha qanday ishlar amalga oshirilmoqda
![](https://cdn-uz.kursiv.media/wp-content/uploads/2024/05/snimok-ekrana-2024-05-30-v-17.59.48-1024x677.png)
29-may kuni Oksford universitetida Iqtisodiy tadqiqotlar va islohotlar markazi (ITIM) direktori Obid Hakimov Oʻzbekiston Respublikasining kambagʻallikni qisqartirish borasidagi yutuqlari haqida ma’ruza qildi. Tadbir Oʻzbekistonning Londondagi elchixonasi koʻmagida tashkil etildi.
Hakimov Oʻzbekistonda aholi turmushini yaxshilash borasida amalga oshirilayotgan chora-tadbirlar haqida gapirdi. Sifatli ta’lim olish, qishloq infratuzilmasini rivojlantirish, tadbirkorlarni qoʻllab-quvvatlash va yangi ish oʻrinlari yaratish shular jumlasidan.
2020-yil oxirida 6 millionga yaqin oʻzbekistonlik kambagʻallik chegarasida yashagan. lekin 2021-yil boshidan buyon kambagʻallik darajasi 17 foizdan 11 foizga qisqardi hamda 2 millionga yaqin odamlar kambagʻallikdan chiqdi.
Shuningdek, 2022-yilda ishga tushirilgan Mahallabay tizimi muhim chora-tadbirlardan biri boʻldi. Dastur doirasida bir millionga yaqin oilaviy tadbirkorlik loyihasiga mikrokreditlar ajratildi.
«Taqdim etilgan natijalarni baholash savollari amalga oshirilayotgan islohotlar muvaffaqiyatini belgilab berdi. Shu nuqtai nazardan, Oʻzbekistonda kambagʻallikning monetar va koʻp oʻlchovli koʻrsatkichlari koʻrib chiqiladi, jumladan, Koʻp oʻlchovli kambagʻallik indeksi, uni ishlab chiqish boʻyicha OPHI hamda ITIM birgalikda ishlash sharafiga muyassar boʻldi», deydi moderator, professor Sabina Alkair.
ITIM tomonidan Oʻzbekistonda koʻp oʻlchovli kambagʻallik indeksini ishlab chiqish boʻyicha olib borilgan keng koʻlamli tadqiqotlar haqida gapirilsa, mingdan ortiq oiladan ma’lumot toʻplangan, soʻngra 4,5 ming xonadonda tajriba soʻrovi oʻtkazilgan. Endi mamlakatdagi toʻqqizta oʻlchov boʻyicha kambagʻallikni har tomonlama oʻlchash uchun 16 mingta uy xoʻjaligida milliy soʻrov oʻtkazilishi rejalashtirilgan.
Avvalroq «Kursiv» Nobel mukofoti laureati Oʻzbekistonning kambagʻallikni qisqartirish dasturlarini yuqori baholagani haqida xabar bergan edi.