Markirovkalash qoidalarini buzganlik uchun jarima kamayadi
![](https://cdn-uz.kursiv.media/wp-content/uploads/2023/07/depositphotos_39999535_l-1024x682.jpg)
O‘zbekiston prezidenti Shavkat Mirziyoyev tadbirkorlar uchun jarima miqdorini kamaytirishni nazarda tutuvchi qonunni imzoladi.
Endi tovarlarni markalash qoidalarini, shuningdek, fiskal belgilarni ko‘rsatish talablari yoki tartibini buzganlik uchun jarimalar kamroq bo‘ladi – oxirgi hisobot choragidagi sof tushumning 2 foizini tashkil etadi.
Agar keyin bir yil ichida takroriy qoidabuzarlik qilinsa jarima miqdori oxirgi chorakdagi sof tushumning 20 foizini tashkil qiladi.
Ilgari xuddi shunday qoidabuzarliklar uchun tadbirkorlar chorak yakunlari bo‘yicha sof tushumning 100 foizi miqdorida jarimaga tortilar edi.
Yangi qonun e’lon qilingan kundan kuchga kirdi.
Avvalroq «Kursiv» O‘zbekiston ishlab chiqaruvchilarining soliqdan 1,4 trln so‘m qarzi borligini e’lon qilgan edi.