«Yandex Probki» xizmati ma’lumotlariga ko‘ra, poytaxtning Ashxobod bog‘i atrofida o‘n balli tirbandlik yuzaga keldi.
TashkentLand Telegram kanali xabariga koʻra, tirbandliklarga shou sabab boʻlgan — oʻyinchoq zambarakdan 20 ming oʻyinchoq otish rejalashtirilgan edi.
Odamlarning aytishicha, bog‘ va «Mashinosozlar» metro bekati yaqinida odamlar oqimi hech kim tomonidan nazorat qilingani yo‘q.
Yo‘l harakati xavfsizligi xizmati Bolalarni himoya qilish kuni munosabati bilan poytaxtdagi istirohat bog‘lari yaqinida vaqti-vaqti bilan tirbandlik yuzaga kelgani haqida xabar berdi.
«Harakat xavfsizligini ishonchli ta’minlash, tirbandliklarni oldini olish maqsadida fuqarolardan sayilgohlar hamda bogʻlarga tashrif buyurishda imkon qadar jamoat transportlaridan foydalanishlarini, shaxsiy transport vositasini atrofdagilarga xalaqit beradigan joylarda, Yoʻl harakati qoidalariga zid ravishda toʻxtatmasliklarini va qoldirib ketmasliklarini soʻraymiz», deyiladi bayonotda.
Bo‘lim xodimlari tadbirlar o‘tkazilayotgan yo‘llar va istirohat bog‘lari atrofida harakat xavfsizligini ta’minlashga jalb etilgan.
Shuningdek, odamlar poytaxt bog‘ini temir yo‘l bo‘ylab tark etayotgani haqida xabarlar bor.
Eslatib o‘tamiz, 28-may kuni O‘zbekiston poytaxtida to‘qqiz balli tirbandlik yuzaga kelgan edi.
