«Saneg» Slovakiya kompaniyasi bilan O‘zbekistonda yuk vagonlarini ishlab chiqaruvchi zavod qurish niyatida
Sanoat Energetika Guruhi, Gallaaral Management va Slovakiyaning AZC Orbis Invest guruhi temir yo‘l yuk vagonlari ishlab chiqaruvchi zavod tashkil etish bo‘yicha o‘zaro anglashuv memorandumini imzoladilar.
Kelishuvni «Saneg» bosh direktori To‘lqin Yusupov va Slovakiyaning yetakchi sanoat guruhi «AZC Orbis Invest» va Favqulodda elchisi Viktor Boretskiy imzolashdi.
Obyekt Jizzax viloyatidagi «G‘allaorol» maxsus industrial zonasi hududida qurilishi kerak.
Korxona vagon-sisternalar, xopperlar, yarim vagonlar hamda yopiq vagonlari singari har xil turdagi vagonlarni ishlab chiqaradi. Yillik ishlab chiqarish hajmi 2 mingga yaqin vagonlarni tashkil qiladi. Ushbu vagonlar «Saneg» kompaniyalar guruhi hamda mamlakat logistika tizimini maxsus texnika bilan ta’minlaydi.
«Ushbu loyiha kompaniyamiz va butun O‘zbekiston sanoati uchun muhim qadamdir. Yuk vagonlarini ishlab chiqarish zavodi logistika infratuzilmasini sezilarli darajada yaxshilaydi va transport operatsiyalari samaradorligini oshiradi», dedi «Saneg» bosh direktori.
Avvalroq «Kursiv» Saneg metan chiqindilarini kamaytirish dasturini ro‘yxatdan o‘tkazganini e’lon qilgan edi.
