BMT: Qozog‘iston va O‘zbekiston janubi qishloq xo‘jaligi uchun yaroqsiz bo‘lib qoladi

Qozog‘iston va O‘zbekistonning janubi qishloq xo‘jaligi uchun yaroqsiz bo‘lib qoladi. Bu hududlardan aholining katta migratsiyasi kutilmoqda, dedi BMTning Yevropa iqtisodiy komissiyasi rahbari o‘rinbosari Cho‘kan Laumulin. Uning so‘zlarini BES.Media nashri e’lon qildi.

Laumulin, shuningdek, ushbu hududlarda o‘rtacha yillik havo harorati tez orada +43 ° gacha ko‘tarila boshlashiga aniqlik kiritdi.

«Odamlarning ulkan global migratsiyalari bo‘ladi, urushlar bo‘ladi. «Mening so‘zlarimni eslab qoling, 10 yildan keyin bizning insoniy muhokamamiz uchun iqlim o‘zgarishidan muhimroq mavzu bo‘lmaydi», deya qo‘shimcha qildi u.

Eslatib oʻtamiz, Oʻzbekiston ob-havo xizmati ma’lumotlariga koʻra, 27-iyun kuni respublikada oʻrtacha kunlik havo harorati +37…+44° gacha koʻtarilgan.

Avvalroq Jorj Vashington universiteti (AQSh) yuridik fakultetining ekologiya huquqi bo‘yicha dekan o‘rinbosari, professor Rendall S. Abeyt “Kursiv»ga Global Shimol davlatlari dunyodagi iqlim o‘zgarishi uchun javobgarlikni o‘z zimmalariga olishi kerakligini aytgan edi.