O‘zbekistonda ogohlantirmasdan elektr energiyasini o‘chirgani uchun jarima solinishi rejalashtirilmoqda

Oʻzbekistonda elektr energiyasini ogohlantirishsiz oʻchirib qoʻyganlik uchun javobgarlik joriy etilishi mumkin, dedi respublika biznes-ombudsmeni Dilmurod Qosimov.

Bu haqda u biznes vakillari bilan bo‘lib o‘tgan uchrashuvda ishtirokchilardan birining elektr energiyasi tez-tez uzilib qolgani haqidagi shikoyatiga javoban aytib o‘tdi.

Statistika agentligi ma’lumotlariga koʻra, 2024-yil 1-iyun holatiga koʻra, Oʻzbekistonda elektr energiyasi ishlab chiqarish 31,1 mlrd kVt/soatni tashkil qilgan. Yil davomida bu ko‘rsatkich 1,2 foizga kamaydi.

Shuningdek, respublikada issiqlik ishlab chiqarish yil davomida 5 foizga kamayib, 11,5 mln Gkalni tashkil etdi.

Avvalroq «Kursiv» iyun oyi o‘rtalarida O‘zbekistonda elektr tarmoqlarida eskirgan uskunalar tufayli 250 ta avariya sodir bo‘lganini e’lon qilgan edi.