Yangiliklar

BMT Bosh kotibi O‘zbekistonni sivilizatsiya markazlaridan biri deb atadi

eʼlon qilindi
Dar’ya Barakina
Dar’ya Barakina
Muharrir
Bmt O‘zbekiston
Mamlakat BMT tavsiyalarini bajarishga tayyor
Rasm: Prezident matbuot xizmati

Oʻzbekiston Birlashgan Millatlar Tashkiloti (BMT) tavsiyalarining aksariyat qismini qabul qildi, dedi BMT Bosh kotibi Antoniu Guterrish respublikaga tashrifi chogʻida. Guterrishning soʻzlari tuzilma saytida keltirilgan.

«O‘zbekiston BMTning Barqaror rivojlanish maqsadlariga erishish bo‘yicha tavsiyalarining aksariyat qismini qabul qildi va BMT ularni amalga oshirishda qo‘llab-quvvatlashga tayyor», deyiladi xabarda.

Guterrish Markaziy Osiyoni, xususan, O‘zbekistonni sivilizatsiya markazlaridan biri deb hisoblashini aytdi. «Buni his qilish uchun Samarqand yoki Buxoroga borishning o‘zi kifoya», dedi BMT Bosh kotibi.

Guterrishning soʻzlariga koʻra, BMT Oʻzbekiston hukumatini «mamlakatni tinchlik, farovonlik va adolat mayoqiga aylantirish boʻyicha ulkan, asosli loyiha»da qoʻllab-quvvatlashga tayyor.

Eslatib o‘tamiz, O‘zbekiston prezidenti Shavkat Mirziyoyev va BMT Bosh kotibi O‘zRni barqaror rivojlantirish dasturini ishlab chiqishga kelishib olishgan.

Havolani nusxalash
Shuningdek