15 ta aviakompaniya chiptalarini Toshkent aeroporti kassalarida xarid qilish mumkin

«Toshkent» aeroporti kassalarida endi avvalgidek bitta emas, 15 ta aviakompaniyadan chipta sotib olish mumkin, deb xabar qildi «O‘zAeroport» matbuot xizmati.

Oldin kassalarda faqat «Uzbekistan Airways» aviachiptalari sotilgan. Endi esa Silk Avia, Centrum Air, Qanot Sharq, Air Samarkand, Turkish Airlines, Asiana Airlines, Lot Airlines, Belavia, Air Astana, Aeroflot, Ural Airlines, S7, Red Wings va Utair reyslarida joy xarid qilishingiz mumkin.

Bundan tashqari, yoʻlovchilarga Uzbekistan Airways, Silk Avia va Centrum Airdan qoʻshimcha xizmatlar taklif etiladi. Shunday qilib, kassada chiptalarni qayta bron qilish va qayta rasmiylashtirish, xizmat ko‘rsatish toifasini o‘zgartirishingiz, ortiqcha yuk uchun haq to‘lash, o‘simliklar va hayvonlarni tashish mumkin.

Savdo ofisida siz Fast Track xizmati uchun haq to‘lash va yuqori darajadagi CIP Lounge va Anor zallarida kutish mumkin. Kassa har kuni 24 soat ishlaydi. O‘zingiz bilan shaxsingizni tasdiqlovchi hujjat bo‘lishi kerak.

Avvalroq «Kursiv» UzAirways 27-oktabrdan boshlab Toshkentdan Goaga va ortga muntazam qatnovlar yo‘lga qo‘yilgani haqida xabar bergan edi. Parvozlar chorshanba va yakshanba kunlari amalga oshiriladi.