Oʻzbekistonda yil oxirigacha besh million tonnadan ortiq koʻmir qazib olish rejalashtirilyapti

2024-yilning olti oyida Oʻzbekistonda qariyb uch million tonna koʻmir qazib olindi. 5 million tonnadan ziyod koʻmir qazib olinishi rejalashtirilgan. Bu haqda prezident matbuot xizmati xabar berdi.

Qayd etilishicha, shundan 1,8 million tonna issiqlik elektr stansiyalariga, 1 million tonnadan ortigʻi aholiga, 540 ming tonna ijtimoiy muassasalarga yetkazib beriladi, 1,8 million tonna mahalliy koʻmir birja savdolariga chiqariladi.

Yil oxirida Oʻzbekistonda koʻmir qazib olish 1,4 million tonnaga oshishi kutilmoqda. Import sezilarli darajada qisqaradi.

Avvalroq «Kursiv» Oʻzbekiston Tolibondan 1 million tonnadan ortiq koʻmir sotib olishni rejalashtirayotgani haqida xabar bergan edi.