«UzAuto Motors» elektron savdo maydonchasida Cobalt rusumli avtomobillar qolmadi. Jami 26,7 mingta avtomobil sotildi, deya xabar beradi kompaniya.
«26 603 ta tuzilgan shartnomalar One ID tizimida ro‘yxatdan o‘tgan va 1 ta dan ko‘p bo‘lmagan avtomobil uchun shartnoma tuzgan jismoniy shaxslarga to‘g‘ri keladi. 97 ta shartnoma yuridik shaxslar ulushiga to‘g‘ri keldi», deyiladi xabarda.
Bugun, 17-iyul kuni kompaniya minglab avtomobillarni savdo.uzavtosanoat.uz saytida soat 10:00 da kontraktatsiyaga qo‘ydi. Tushgacha Gx – Optima At – Plus konfiguratsiyasi (narxi 146,5 million so‘m) bo‘yicha shartnomalar yakunlandi. Qimmatroq Gx – Style At – Plus to‘plami (147,9 million so‘m) tushdan keyin yakunlandi.
Eslatib oʻtamiz, «UzAuto Motors» kompaniyasi ilgari xarid qilinmagan avtomobillarni kontraktatsiyaga qayta qo‘yadi. So‘nggi marta sotuv jarayoni 5-iyul kuni bo‘lib o‘tgan.
