Oʻzbekiston va Qirgʻiziston oʻzaro tovar ayirboshlash hajmini $2 milliardga yetkazadi
O‘zbekiston prezidenti Shavkat Mirziyoyev va Qirg‘iziston prezidenti Sadir Japarov tovar ayirboshlash hajmini $2 milliardga yetkazish bo‘yicha chora-tadbirlar ishlab chiqish muhimligini ta’kidladi.
Ikki davlat rahbarlarining tor doiradagi uchrashuvida hududlararo hamkorlikni, jumladan, chegaradosh viloyatlar hokimlari kengashi doirasidagi hamkorlikni yanada kengaytirish zarurligini ta’kidladi.
Shuningdek, Mirziyoyev va Japarov mintaqaviy loyihalar, jumladan, «Xitoy – Qirgʻiziston – Oʻzbekiston» temir yoʻli va Qambarota GES-1 qurilishini ishga tushirishga alohida e’tibor qaratdi.
Japarovning Oʻzbekistonga tashrifi chogʻida qayta tiklanuvchi energiya manbalari, avtomobilsozlik va toʻqimachilik sanoati sohasida qoʻshma loyihalar ishga tushirilishi kutilmoqda.
Davlat rahbarlari ikki davlat oʻrtasidagi iqtisodiy hamkorlikni yangilash muhimligini ta’kidladi.
Avvalroq «Kursiv» oʻtgan biznes forumida Oʻzbekiston va Qirgʻiziston tadbirkorlari $206,6 millionlik shartnomalar imzolagani haqida yozgan edi.
