Yandex’ning sobiq menejeri TBC Uzbekistan’ning SI departamentini boshqaradi
![Konstantin Kruglov SberDevices va Tinkoff Digital kompaniyalarida ishlagan](https://cdn-uz.kursiv.media/wp-content/uploads/2024/07/photo_2024-07-18_14-30-55-1024x682.jpg)
Konstantin Kruglov TBC Uzbekistan sun’iy intellekt (SI) boʻlimi boshligʻi etib tayinlandi, deb xabar qildi bank matbuot xizmati «Kursiv»ga.
Kruglov faoliyatini «Deutsche Bank»da boshlagan. 2017-yilda u Yandex’dan «Alisa» aqlli dinamikni ishlab chiqish loyihasini boshqargan.
SberDevices bosh direktori sifatida 2 ming kishilik jamoani tuzib va uning boshqaruvida ovozli yordamchini yaratishdi.
«Bizning maqsadimiz – sun’iy intellekt bazasida raqamli bank ekotizimini qurish, uning asosiy elementlari dastlabki bosqichda o‘zbek tili va ovozli kanallarda qo‘llaniladigan yirik til modellarini qo‘llab-quvvatlaydigan virtual yordamchi bo‘ladi», – deya izoh berdi Kruglov tayinlanishi haqida.
TBC Uzbekistan’ning qayd etishicha, Kruglov asli samarqandlik va hozirda Londonda istiqomat qiladi. Shu bilan birga, u Buyuk Britaniya poytaxti va Toshkent o‘rtasida vaqtini taqsimlaydi.
Eslatib o‘tamiz, «TBC Group Uzbekistan» bosh direktori Nika Kurdiani Kruglov SI departamenti rahbari lavozimiga 2024-yil iyun oyi boshida tayinlanganini ma’lum qilgan edi.