Yaponiya qurilish kompaniyasi o‘zbekistonliklarni ishga taklif qilmoqda

Yaponiyaning yirik qurilish kompaniyasi «Shimizu Corporation» O‘zbekiston fuqarolarini ishga taklif qilmoqda.  Bu haqda Tashqi mehnat migratsiyasi axborot xizmati xabar berdi.

Qayd etilishicha, oylik maoshi soliqlar bilan birga $1390-1490 tashkil etadi. Qo‘shimcha ish soatlari uchun alohida ustama haq to‘lanadi.

Ishga qabul faqat erkaklar uchun. Ish beruvchi nomzodlarni og‘zaki suhbatlar asosida tanlab oladi.

Ishlash niyatida bo‘lganlar uchun talablar:

• 18-35 yoshgacha;
• Yapon tili sertifikati: JLPT N4 yoki JFT Basic A2;
• Qurilish maxsus malaka imtihoni sertifikati (Tokuteigino 1-go);
• Maktab, litsey yoki kasb-hunar kollejini tamomlagan;
• 5 yilgacha ishlashga tayyor.

Ish beruvchi O‘zbekistondan Yaponiyagacha bo‘lgan aviachipta yo‘lkira haqini o‘zi to‘laydi.

Ushbu talablarga mos keluvchi fuqarolar 9-iyul soat 18:30 dan 22-iyul soat 12:00 gacha ro‘yxatdan o‘tishlari mumkin.

Avvalroq «Kursiv» Bolgariya o‘zbekistonlik oshpazlarni ishga taklif qilganini e’lon qilgan edi.