25-iyuldan boshlab Toshkent – Chorvoq avtobus yoʻnalishi boʻyicha qatnovlar soni koʻpaytirildi. Bu haqda Transport vazirligi matbuot xizmati xabar berdi.
Avtobuslar «Mashinasozlar» metro bekatidan soat 8:00, 09:00, 11:00 va 16:30 da jo‘naydi.
Chorvoqdan (Xumson) qaytish 6:00, 16:00, 18:00 va 19:00ga belgilangan. Yo‘l haqi 20 ming so‘m.
Avvalroq «Kursiv» 1-dekabrga qadar O‘zbekistonda barcha transport turlari uchun chiptalarni xarid qilish uchun onlayn platforma ishga tushirilishi e’lon qilgan edi.
