Raqobat qo‘mitasi tomonidan tashkil etilgan tekshiruvdan «Bruni» shokoladli keks mahsuloti, «Bio Kefir» «Chernogolovka» gazlangan ichimlik, va boshqa oziq-ovqat mahsulotlar laboratoriyalarda sinovdan o‘ta olmadi. Bu haqda qo‘mita matbuot xizmati xabar berdi.
Sinov natijalari shuni ko’rsatdiki, to‘qqizta mahsulotning sakkiztasi amaldagi texnik standartlarga javob bermaydi. Ular orasida «Sellatilgan mol go‘shti-oliy nav» (tushenka), «Qand» shakar rafinadi, «Urussa» kungaboqar yog‘i, «Kunjutnoye maslo» , «Sedana yogʻi» mahsulotlari.
Qo‘mita aniqlangan kamchiliklarni bartaraf etish va sifatsiz mahsulotlar savdosiga chek qo‘yish bo‘yicha zarur choralar ko‘radi.
Avvalroq «Kursiv» Raqobat qoʻmitasi «Orient Finans bank»ni jarimaga tortganini e’lon qilgan edi.
