O'zbekistonda birinchi AES qanday ko‘rinishda bo‘ladi

Iyun oyi oxirida Oʻzbekiston Atom energiyasi agentligi va Rossiyaning «Rosatom» korporatsiyasi oʻrtasida Jizzax viloyatida kichik atom elektr stansiyasini (AES) qurish boʻyicha shartnomaning kuchga kirishi tartibi toʻgʻrisidagi protokol imzolangan edi. AESning birinchi bloki 2029-yil oxirida ishga tushiriladi. Barcha energiya bloklaridan foydalanish 2033-yilgacha rejalashtirilgan. «Rosatom» «Kursiv»ga kam quvvatli atom elektr stansiyalarida qanday texnologiyalar qoʻllanilishi, loyihaning amalga oshirilishi atrof-muhitga qanday ta’sir qilishi va Oʻzbekistonda atom energiyasiga muqobil yoʻl bor-yoʻqligi haqida gapirib berdi.

Atom elektr stansiyasiga qanday reaktor oʻrnatiladi

Oʻzbekistondagi kam quvvatli atom elektr stansiyasiga RITM-200N reaktori oʻrnatiladi. Bu RITM-200 kema reaktorining quruqlikda foydalanishga moslashtirilgan versiyasidir.

RITM-200 Arktikadagi muzyorar kemalar sinovidan oʻtkazildi va zamonaviy xavfsizlik talablariga javob beradi. 2012-yildan beri «Arktika», «Sibir», «Ural», «Yakutiya» va «Chukotka» muzyorar kemalari uchun 10 ta shunday reaktor ishlab chiqarildi, ulardan uchtasi hozirgi kunda ishlamoqda va Shimoliy Muz okeanida kemalarni kuzatishga yordam bermoqda.

RITM-200N reaktoriga asoslangan stansiya moslashtirilgan tuzilishga ega, ya’ni aktiv zona va bugʻ generatori bitta binoda joylashgan. Bunday kichik atom elektr stansiyasini tez qurish mumkin va u koʻp joy egallamaydi.

Kichik atom elektr stansiyalari atrof-muhitga qanday ta’sir koʻrsatadi

Atom energetikasi dunyodagi kam uglerodli energiyaning muhim manbai hisoblanadi. Bu ishlab chiqarilgan umumiy elektr energiyasining taxminan 10 foizini tashkil qiladi.

2021-yil mart oyi oxirida Yevropa Komissiyasi tadqiqot markazining atom energiyasining atrof-muhitga ta’siri boʻyicha hisoboti taqdim etilgan edi. Tadqiqot shuni koʻrsatdiki, atom elektr stansiyalari Taksonomiya tashabbusi bilan Yevropada qoʻllab-quvvatlanadigan boshqa turdagi qayta tiklanadigan energiya manbalaridan koʻra odamlar va tabiat uchun xavfli emas.

Hisobotga koʻra, atom stansiyalari har bir kVt/soat uchun oʻrtacha 28 g CO2 chiqaradi, bu gidro va shamol stansiyalari chiqindilari bilan solishtirish mumkin va quyosh panellaridan chiqadigan chiqindilardan kamroq, ya’ni bir kVt/soatga taxminan 85 g. Bundan farqli oʻlaroq gaz va koʻmir elektr stansiyalari har bir kVt / soat uchun mos ravishda 500 va 900 g CO2 chiqaradi.

Tadqiqotlar shuni tasdiqlaydiki, atom elektr stansiyalari toʻgʻri ishlaganda atrof-muhitga zarar yetkazmaydi. Koʻpincha ular qirgʻoqda oʻrnatiladi. Misol uchun Braziliya, Hindiston va Rossiyadagi atom elektr stansiyalari suzish uchun xavfsiz boʻlgan qirgʻoqlarda joylashgan, bunga sabab suvdan olingan analizlar tasdiqlaydi.

Xavfsizlik qanday ta’minlanadi

AES xavfsizligi turli omillar bilan ta’minlanadi. Birinchidan, bu reaktorning oʻzini himoya qilish prinsipi va bir necha darajadagi xavfsizlikdir.

Zamonaviy Rossiya atom energetika bloklari inson aralashuvini talab qiladigan faol himoya tizimlaridan ham, avtonom ishlaydigandan ham foydalanadi. Ikkala tizim ham baxtsiz hodisalar va radioaktiv zarralarning atmosferaga tarqalishining oldini olish uchun birgalikda harakat qilishadi.

Shuningdek, AES ekspluatatsiyasining barcha bosqichlarida xavfsizlik madaniyati kuzatiladi – qurilish uchun joy tanlashdan tortib stansiyani yopilishigacha.

Atom elektr stansiyasi ekstremal harorat, tornado, zilzilalar va hatto samolyot qulashi kabi turli xil tashqi ta’sirlarga bardosh bera oladi.

Zamonaviy reaktorlar Fukusimada boʻlgan avariyani inobatga olib xavfsizlik yuqorida, jumladan, 72 soat ichida inson aralashuvisiz reaktordan issiqlikni koʻchirish qobiliyati. Bu Rossiya reaktor texnologiyalari III+ avlodiga tegishli ekanligini tasdiqlaydi.

Reaktorning ichki oʻzini oʻzi himoya qilish qobiliyati uning oʻzini oʻzi saqlash va quvvatini oʻzi toʻgʻrilab chiqishi mumkin. Harorat koʻtarilgach reaktordagi reaksiya sekinlashadi, bu uning xavfsizligini ta’minlaydi.

Oʻzbekistonga atom elektr stansiyasi nima uchun kerak va unga muqobil bormi

Mamlakat energetika balansiga atom elektr stansiyalarini qoʻshish toʻgʻri qadam boʻlib, bu nafaqat energetika, balki boshqa yuqori texnologiyalar uchun ham muhim ahamiyatga ega.

Tinch atom nafaqat uglevodorodlar, balki shamol va quyosh energiyasi manbalariga nisbatan afzalliklarga ega.

Uglevodorodlar atrof-muhitni ifloslantiradi va cheklangan zaxiraga ega. Ularning narxlari tez oʻzgarib turadi, bu elektr energiyasining narxiga taʼsir qiladi. Misol uchun, atom elektr stansiyalari uchun uranning narxi 10 foizdan kam va uning narxi tariflarga katta taʼsir qilmaydi. Bu, ayniqsa, atom stansiyalaridan kutilgan va raqobatbardosh narxlarda barqaror elektr energiyasi oladigan sanoat korxonalari uchun juda muhimdir.

Shamol va quyosh oʻzgaruvchan energiya manbalari boʻlib, ular kun davomida barqaror energiya ta’minotini ta’minlay olmaydi. Ularni tizimga integratsiya qilish uchun elektr ta’minotini pasaytirmaslik uchun koʻp ishlar qilish kerak.

Biroq atom energetikasini yagona variant sifatida koʻrish notoʻgʻri. Energiya xavfsizligi va mustaqilligini ta’minlash uchun mamlakatning iqtisodiy va geografik sharoitlarini hisobga olgan holda turli energiya manbalariga ega boʻlish zarur.

Atom energetikasi mamlakat energetika tizimini muvozanatlash uchun yordam beradigan ishonchli manba hisoblanadi. Iqlim oʻzgarishiga qarshi samarali kurashish va energiya mustaqilligini ta’minlash uchun yadro va issiqlik energiyasi, qayta tiklanadigan energiya manbalari va energiya saqlash tizimlarini hisobga oladigan kompleks yondashuvni qoʻllash zarur. Manbalar va saqlashning xilmaxilligi energiya tizimini yanada mustahkam qiladi.